早排持有《成報》嘅星美出版（ 8010），搵咗大陸地產公司利海中國董事長謝海榆做白武士打救。江湖傳聞，利海有中國海軍背景，公司喺大陸 12個城市從事地產發展，總資產有成 600億人仔，仲話美林同摩通都係佢哋戰略投資者，總之唔嘢小。
莫非今勻《成報》終於落喺強者手中？華華收到風，謝海榆喺接任星美出版做主席之後，上個星期會見《成報》高層，除咗介紹自己，佢仲話希望將來成立全國《成報》新聞中心咁話。
莫非今勻《成報》終於落喺強者手中？華華收到風，謝海榆喺接任星美出版做主席之後，上個星期會見《成報》高層，除咗介紹自己，佢仲話希望將來成立全國《成報》新聞中心咁話。
「多做大公司新聞」
以前華華經常聽到《成報》行家呻，份糧唔知幾時先有得出，但今時唔同往日，《成報》開始請返人，至於出糧日，據講會由原先每個月 7號，提早返到每個月 1號。華華仲聽聞，財經版唔知點解落咗個柯打，要記者做多啲大公司新聞。至於呢位白武士係咪可以救到報館，一班員工就只係敢「聽其言，觀其行」，睇定先至算。
另一方面，雖然名譽主席兼主要股東楊家誠淡出《成報》，但係佢啲生意 partner好似深圳龍柏投資方面，就有人委任入去做獨立非執董。據講龍柏管理資產達 100億人仔，投資好多中、港上市公司。家陣星美出版換咗老闆，唔知楊家誠旗下嘅英冠球會伯明翰環球（ 2309），幾時改弦易轍，變埋中資英冠球會呢？
李華華
LiWaWa@AppleDaily.com
另一方面，雖然名譽主席兼主要股東楊家誠淡出《成報》，但係佢啲生意 partner好似深圳龍柏投資方面，就有人委任入去做獨立非執董。據講龍柏管理資產達 100億人仔，投資好多中、港上市公司。家陣星美出版換咗老闆，唔知楊家誠旗下嘅英冠球會伯明翰環球（ 2309），幾時改弦易轍，變埋中資英冠球會呢？
李華華
LiWaWa@AppleDaily.com
沒有留言:
張貼留言