2013年2月6日 星期三

轉貼文章 : 里昂風水指數﹕恒指7月見頂


【明報專訊】每個農曆新年,小琴都會同屋企人一齊食飯睇電視,其中一個重要節目,一定係聽各路風水大師講五行八卦啦。不過雖然阿媽每年都按大師話齋,買飾品放屋企僻邪,但如果真係叫你按照大師講法去炒股,你敢唔敢呢?

噚日里昂證券公布一年一度風水指數,話今年係黑水蛇年,金木水火土五行都齊備,比缺火龍年要更平穩。不過今年會有蛇 「蛻皮」特性, 每個月或波動較大。由於上半年五行均衡,恒指會持續向好,7月預計見頂。

8月金猴駕臨,嚴重缺火,恒指走勢急轉直下,9月土倦怠,金超標,水驟升,恒指將繼續跳水。

10月五行重拾平衡,能推動恒指漲勢,但動力不足,預料全年僅升2%

在行業方面,風水就話五行當中屬金板塊,包括銀行同汽車,以及屬水板塊如博彩業,將有上佳表現。而在本港置業方面,該行認為南北暢旺,東方及正中就煞氣稍重。國際形勢方面,該行預測澳洲今年或能氣勢如虹,美國則晦氣纏身。

但究竟風水指數可信度有幾高呢?舊年對恒指走勢預測,就一半準一半唔準。連里昂自己都話,呢個風水指南純屬消遣,投資仲係謹慎分析好


沒有留言:

張貼留言