2013年10月27日 星期日

2014年犯太歲的生肖

蔡伯勵:明年勝今年

噚日中午前後有好多位富豪聚集喺中環文武廟,事關又係東華三院一年一度秋祭大典,賭王三太陳婉珍同一班董事局成員都穿上長袍出席儀式。堪輿大師蔡伯勵每年幫大典擇日,噚日亦有現身,仲贈咗兩句,話以流年去睇,香港明年好過舊年同今年,實行畀啲鼓勵同信心大家咁話。

經濟好 社會就和諧


臨近年尾,行開書報攤或便利店都會見到書架上排滿明年馬年嘅運程書,噚日既然見到蔡伯勵本人,當然唔可以放過機會,要問佢香港運程啦。
蔡老師話,以流年去睇,香港明年會係好嘅,而且係會好過2012同2013年,咁經濟好自然乜都好,社會就會和諧啲,總之,香港人一定要爭氣。不過,佢補充一句,係純睇流年而有呢番見解。
講番東華呢個一年一度嘅秋祭大典,中國以農立國,自古以來每逢秋季百穀豐收嘅時候,都會舉行祭祀活動,慶祝收成同酬謝神恩;東華一向尊重中國固有禮教同文化傳統,所以幾十年來都秉承傳統習俗,每年舉行奉祀文武二帝秋祭典禮,為本港市民祈福消災。
為表示對祭典嘅尊重,主禮嘉賓同東華董事局成員,老老嫩嫩都會照足傳統着長袍玄褂誠心行禮,活躍於股市嘅李鋈麟(東華第五副主席)都跟足傳統。嘉華(027)主席呂志和做過東華主席,噚日亦到場湊熱鬧。
李華華

沒有留言:

張貼留言