2015年10月9日 星期五

9/10/2015





期指低水 56 點

本周上升 952.71 點

成交額與昨日相若 !

228 衝唔過 ; 正路調頭而回.....

但 225又守唔到.....慶幸守到條 50 天線 ( 22425 )

一場空歡喜....!

 轉貼文章 ~

馬駿:若中國不加入「大TPP」將損失2.2%GDP

美國、日本等12個太平洋國家簽署跨太平洋夥伴關係協定(TPP),中國人民銀行研究局首席經濟學家馬駿等撰文指出,如果中國不加入「大TPP」,中國會因此損失2.2%GDP

文章指出,未來的TPP談判國有望增加至16個。在此背景下,採用一個全球可計算一般均衡(CGE)模型來類比「大TPP(TPP成員國達到16)實施後,由於關稅和非關稅壁壘的下降,給中國和其他成員國以及非「大TPP」國家的經濟所帶來的影響。

假設所有成員國同時加入「大TPP」,「大TPP」實施的淨影響將使韓國、越南、中國、泰國、日本、澳洲等國在模擬期(即關稅下降的過渡期)內實際GDP累計提高1%以上。在這個階段,中國的實際GDP將累計提高2%

假設「大TPP」的過渡期持續4年,則將每年提升中國的GDP增速0.5個百分點。而「大TPP」以外的地區則或多或少地受到「大TPP」帶來的貿易轉移效應的負面影響。

假設「大TPP」的其他15個潛在成員國達成TPP協定,但中國由於某些原因不能加入「大TPP」,模擬結果顯示,如果中國不加入TPP,對中國而言其機會成本是2.2%GDP,即中國會因此損失2.2%GDP 。假設TPP的過渡期為4年,則在該階段內的年均機會成本略超過0.5% GDP

如果中國不加入,對其他一些國家來說也會導致機會成本的失去。如,韓國、日本等與中國貿易密切的國家也將承受相當於1.5%GDP0.6%GDP的機會成本。而歐盟、新加坡、越南等國家和地區則會由於中國不加入而受益。


大市新聞 ~

港股通新調入16 調出兩股

因應恆指公司較早前宣布調整恆生綜合大中型指數成份股,上交所今日更新港股通股票名單,調出2隻及調入16隻股份。

調出2隻股份為北汽(01958.HK)   及明發集團(00846.HK)

調入的股份則為 :

大家樂(00341.HK)、三生製藥(01530.HK)、紅星美凱龍(01528.HK)、聯想控股(03396.HK)、中國銀河(06881.HK) 、大悅城地產(00207.HK)、耐世特(01316.HK) 、博華太平洋(01076.HK)、中國天然氣(00931.HK)、惠理(00806.HK)、首都機場(00694.HK) 、海通國際(00665.HK)、浙江滬杭甬(00576.HK) 、中國中藥(00570.HK) 、光啟科學(00439.HK)和國泰君安國際(01788.HK)


Mr. Tregunter  : TPP中國包圍網

當佔全球85% GDP嘅經濟體將你摒之於外,那已經唔係孤立,而係包圍。
習奧會後內地媒體不斷發佈中美兩國有呢樣共識嗰樣共識,但一個屈尾十奧巴馬喺TPP問題上不客氣地講咗句:唔可以畀中國訂立環球貿易規則。用通俗嘅講法,即我係莊,你係閒。由區域全面經濟夥伴關係協定(RCEP)到一帶一路,近年中國對周邊貿易渠道嘅拓殖非常着急,因為美國3T計劃已殺到嚟,兩國正在鬥快。美國為重新改寫全球貿易規則定下3T計劃,中國為應對TPP,則力推RCEP,睇一條簡單數做對比就明白事件嘅重要性去到邊。

TPP:跨太平洋夥伴關係(Trans-Pacific Partnership),佔全球GDP38%。

TTIP:跨大西洋貿易及投資夥伴協定(Transatlantic Trade and Investment Partnership),佔全球GDP47%。

TISA:服務貿易協定(Trade in Service Agreement),佔全球GDP60%。

RCEP:區域全面經濟夥伴關係框架協定(Regional Comprehensive Economic Partnership),佔全球GDP29%。(詳見表)


TPP究竟係咩一回事,坊間已有太多報道,此處只點出兩個關鍵。其一為產業鏈轉移。TPP協議國互相享有關稅豁免,例如經常被提及嘅越南紡織業,如果中國喺越南開廠但用中國料就冇辦法享有關稅優惠,會有道力推廠家將成條生產線搬去越南,令中國本已難做嘅出口更加難做;其二為TPP包含一個東道國爭端解決機制(investor-state dispute settlement, ISDS),簡單嚟講,發生爭拗時企業同投資者可以透過國際仲裁,控告唔同國家政府。當然國家政府可以唔聽國際仲裁判令,但凡事唔守人哋規矩,仲可唔可以留喺人哋嘅圈子內?

TPP12個成員國,以美國為中心去睇的話,美國同12國每年貿易額1.2萬億美元,而美國同中國貿易額亦有5,200億美元。今時今日,中國嘅人口、市場、貿易量等都決定咗大部份國家唔可以完全擺脫中國因素,中美關係有對峙有互補有合作,不過合作嘅前提係美國係莊,中國係閒。TPP只係前菜,稍後TTIP若傾成,意味佔全球GDP85%嘅國家自己玩一套,等同一個包圍網,令你無法獨善其身。中國要加入就要守人哋嘅規矩,唔可以再拖住先、袋住先、呃住先。

顯然中國唔想受制於人,乃有RCEP同一帶一路。美國搞TPP想將中國摒除在外,中國搞RCEP、亞投行則拉各國入場,也就係2015版嘅合縱VS連橫。可以留意香港應會加入TISA,香港亦有條件加入TPP。考慮到產權、專利等問題,就算中國有意向加入TPP亦難搞,若然香港加入,則將再次成為最重要嘅轉圜地。

TPP對中國改革有利

過去一周,中國官方密集對10月5日簽訂的「跨太平洋戰略經濟夥伴關係協議」(Trans-Pacific Strategic Economic Partnership Agreement,TPP)表態,商務部、外交部紛紛發表意見,足證官方的危機意識。其中最令人驚訝的,是人行首席經濟學家馬駿的預測,指中國如不加入TPP,GDP損失可能高達2.2%。馬駿在德銀任職時,已是中國經濟大好友,他以官方身份發表這樣的預測,意味實際衝擊將會只高不低。

TPP仍需各國議會通過,最快要到2017年才落實,在這幾年間,中國將全力反擊,之間的互相博弈,亦將是影響資本市場最重要的因素。筆者認為,TPP將逼使中國改革加速,這對投資市場反而可能是一件好事。

值得留意的是,TPP談判過程高度保密,12國都簽署了保密協議,對外透露的內容少之又少,簽署的最後文件至今沒有全文公佈。以一份旨在推行自由貿易協議而言,這種保密程度非常罕見。亦可見到其來者不善,處處防範,減少中國可以部署反擊的時間。

TPP雖然是經貿文件,但其中有很多政治性內容。根據之前流露的個別細節,最辣的條款有兩條:

第一是廢除國企的壟斷地位和補貼;

另一是廢除對資訊的管制,實行新聞自由。

這兩條已經觸犯中國的意識形態底線,不可能同意加入。越南同樣是社會主義國家和由國企主導經濟,但願意加入TPP,說明美國為圍堵中國,開出不菲的籌碼,才能令越南願意改變現有體制。

在最差的情況下,TPP對中國的衝擊將有五方面:

首先,是人行預測的2.2%GDP跌幅;

其次是電子、紡織等行業將面臨沒頂之災;

第三、大量外資將撤離中國;

第四、阿里巴巴等中國企業將難以打開國際市場;

第五,中車(1766)、中海油(883)等央企,更可能被禁入TPP國家。

但上述情況發生的可能性甚低,中國不會坐以待斃,將大力推廣人民幣國際化、一帶一路、自貿區,並強化中韓、中澳等雙邊貿易協定,抗衡美國的打壓。

更重要的是,中國改革難度大,因為內部利益團體阻力大,有時需要外部壓力推動。WTO當年逼使國企改革,金融、電信行業重組,就是明顯例子。中國要消除TPP影響,唯一方法是打造自己主導的國際貿易體系,更需要練好內功。

最近的國企改革方案以黨掛帥,實際上走回之前政企不分的回頭路;7月起的暴力救市無視市場規律,違反三中全會所定的原則;均令市場人士憂慮,中央是否已經放棄改革。如果TPP逼使中國改革更難走回頭路,將利遠大於弊。

【投資錦囊】

TPP將是中國最嚴峻考驗,中國必須全力應付,對外擴大經貿外交空間,對內加速改革,並減少破壞市場規律。在未來數月,內地的政策面可能會釋放更多善意,以穩定市場信心。
炒作指數★★★

黃尹華 

TPP

……都講埋TPPTPP雖然只係簽咗大原則協議箒,細節仍待琢磨,要在各簽約國通過晒,仲要等多兩三年,但香港廠家已經要周圍打聽,準備對策咯。呢個TPP全名叫做The Trans-Pacific Partnership,中文譯做「跨太平洋戰略經濟夥伴協定」,本來英文冇「戰略經濟」呢個詞嘅噃,點解中文要加上去呢?左丁山唔識,總之叫做TPP就算。

TPP2015年十月五日上午九時二十二分在美國阿特蘭大市,由美國貿易代表賈羅曼與另外11國代表宣佈達成協議,結束咗長達五年半嘅談判。

12個簽署國就係美洲五國:美國、加拿大、智利、墨西哥、秘魯;亞太國家7:日本、澳洲、紐西蘭、馬來西亞、新加坡、汶萊、越南。

TPP協議之主要大原則係取消所有產品入口關稅(當然係逐步取消),加強保護勞工權益,加強對藥物專營權的保護,加強對國有企業的管制,及開放服務行業。

TPP冇中國參加,主要係美國一開始就講到明,要由美國寫下21世紀世界貿易規則,中國早早知道,都費事參與談判。TPP協議簽訂後,美國總統奧巴馬發表聲明,直情話:「When95% of our potential customers live outside our borders, we can't let countries like China write the rules of the global economy. We should write those rules.」(我們的九成半潛在客人居於境外,我們不能讓中國一類國家訂下環球經濟的規則。我們應該寫下規則。)即係話,TPP有明顯針對中國的特性,中國要加入時就要遵從TPP訂下嘅規矩辦事!唔鍾意呀,中國咪自己在門外諗辦法囉。

 TPP達成協議後,中國反應審慎,商務部新聞發言人話持開放態度,希望TPP與亞洲地區其他自由貿易安排有互相促進,共同為亞太地區的貿易投資和經濟發展作出貢獻云云。

呢啲自然係官樣文章。美國國防部長卡特講:有咗TPP協議,對美國而言,有如增加一隻駐太平洋航空母艦咁重要。中國早就知道TPP排斥中國,規矩由美國日本等決定,邊度有咁快肯談判加入TPP吖,等多五六年都未遲,中國嘅對策係快快趣推動RCEPRegional Comprehensive Economic Partnership)(區域全面經濟夥伴關係),拉攏咗日本、澳洲、南韓、新西蘭、印度加入,又盡快與韓國、澳洲、馬來西亞等簽署雙邊自由貿易協定,一於利用中國龐大人口市場,利誘其他國家逐一與中國簽訂自由貿易協議,打破美國圍堵。

TPP對中國有幾大影響?人民銀行首席經濟學家馬駿博士撰文指中國不加入TPP,經濟增長將累積損失兩個百分點,但中國銀行集團嘅謝湧海就認為影響有限。

研究分析師係咁講啫,香港廠家就有自己諗法,昨日提起嘅本地廠家富二代、富三代就對左丁山表示擔心TPP既然佔全球經濟規模約40%,包涵近年歡迎外資嘅越南在內,香港廠商冇理由唔研究吓將珠三角工廠搬過去越南,從越南免稅出口製成品到TPP成員國,主要係美國與日本。如果A廠唔郁,B廠由東莞搬去越南嘅話,A廠咪好蝕底?既然中國有排都唔會加入TPP,香港可能受制於中央,未必可以加入,本港廠商梗係要為自己打算啦。照計香港係一個中國之內嘅獨立經濟體,既然在APEC有一席位,加入TPP應該唔算違反國家利益,梁振英政府成日講「適度有為」,TPP就係試金石嘞。加入TPP點都對香港有利無害(香港本身已是自由港收慣零關稅,加入TPP唔會損失關稅收入),梁振英想話有為嘅話,就應該主動啲,爭取香港成為TPP成員。

私人企業自己可以做嘅,毋須勞煩政府,碰啱TPP係政府對政府之事,特區政府仲唔快啲爭取香港加入TPP?炒股方面,已有人發掘越南概念,不過好似選擇不多;新加坡就左右逢源,既與中國行得埋,又加入TPP,還有東盟自由貿易集團,唔怪得可以領前香港。

中午吃飯,老友記話題一轉就由本港政治講到TPP,佢奇怪平時緊跟美國嘅南韓與台灣,點解冇份加入TPP。左丁山以為,南韓與台灣政府嘅官方想法係要加入嘅,但各自有內部政治理由,唔敢講住。

南韓農民傳統上反自由貿易,唔怕上街與警察打過,故政府一傾到對外自由貿易之農產品問題,就唔敢讓步,但TPP涉及紐西蘭、加拿大、美國之農產品出口利益,南韓點都不能逃避,但一講就會招惹農民上街,朴槿惠總統可能計過數,TPP最益大財閥工業出口,如三星、現代等等,不利農民,都係暫時避一避先。

至於台灣,國民黨馬英九已證實咗係一名英俊庸才,國民黨內無一個男子漢,明年大選後可能亡黨,李登輝偷偷笑,孫中山、蔣氏父子激氣到在棺木反轉。咁嘅時勢,馬英九邊度敢提出加入TPP吖,況且台灣年輕人因台獨思想濃厚,亦傾向西方左派意識形態反對自由貿易,明年即使民進黨蔡英文入主總統府,台灣政府亦唔敢參加TPP住,預料台灣廠商如果仲未走嘅,都會低調地增加越南投資,將台灣工業進一步空洞化,民進黨上台後,台灣經濟更差,沽空台灣股票(如果有方法嘅話),會係一個投資策略。

奧巴馬搞定TPP之後,又再推動「泛大西洋貿易及投資夥伴協議」(Trans-Atlantic Trade and Investment Partnership TTIP),歐洲人聞聲抗議,有25萬人(警方話得10萬人)於1010日雲集柏林舉行示威反對,參加者多數係工會,環保團體,左派人士。德國其實係歐洲最大出口國,任何自由貿易協議對德國最有利,德國人點解會反對TTIP?無他者,歐洲人有咗錢就唔恨錢,唔似得窮國越南,法國更加係講慣保護主義嘅,自1950年代戴高樂起,無時無刻不反對美國文化入侵,反對美國跨國公司入侵,故此歐洲反對TTIP者,大有人在,歐盟與美國之談判會相當艱苦,奧巴馬任內難以成事。至於TPP,有人話希拉莉反對,美國工會反對,特朗普反對,未必會在2016年通過。左丁山就以為希拉莉及美國工會呢兩個共和黨最大敵人越反對就越係令到共和黨控制嘅參眾兩院要通過TPP,唔通共和黨人會幫助佢地恨之入骨嘅工會與希拉莉咩。至於特朗普,左丁山認為佢遲早玩完,不足為患,TPP係有機會在奧巴馬返鄉下之前在美國國會通過嘅。

左丁山







沒有留言:

張貼留言