港股俾A股與索羅斯嘅言論夾擊，投資者冇啖好食，證券行喺呢個時間出報告叫人入市，應該都好難搵到實質數據或基本因素支持，想突圍而出惟有搞gimmick。年近歲晚，最就手當然係以風水講股喇，今日公佈嘅里昂風水指數喺市場最出名，有兩間證券行就搶閘出類似嘅報告喎。
野村：避開金融股
野村證券近日向基金客戶出咗一份由玄學家周漢明預測嘅猴年投資貼士。聞說周師傅有幫荷蘭銀行、花旗等大企業睇風水，佢幫野村做嘅預測話，猴年女性運勢比較好，油價夏天會造好，金價就要等到10、11月先走強，港股整體穩穩定定。
佢預測，港股最差月份係西曆1月、2月同10月，尤其10月8日至11月8日，料「市場將會大幅調整，10月金價走強但股市轉弱」。你可能會話，10月係傳統股災月，咁估有乜出奇，不過都希望唔好發生喇。個別行業方面，周師傅叫大家避開金融、珠寶、鐘錶、零售股，應該唔使多作解釋了吧。
中資行安信國際亦都唔執輸，其「朱江團隊」預計，猴年屬金嘅金融、黃金業將會整體回暖，屬火嘅電訊業亦會蓬勃發展、競爭激烈。最弱嘅係屬水嘅交通、酒店、旅遊業。文中仲勸人提防小範圍嘅地區衝突，事關馬騮特點喜歡稱王稱霸，不斷挑戰權威。
至於最有江湖地位嘅里昂風水指數，就會今日公佈，不過，佢除咗喺1992年頭炮成功預測恒指7個轉捩點，震動江湖之外，以後多年嘅準確性都係一般。不過都係嗰句喇，風水唔係精密科學，純屬參考，以風水講股，都係應節搞氣氛，作為另類參考啫。
http://hk.apple.nextmedia.com/financeestate/art/20160128/19469311
李華華
里昂料靈猴有利恒指上半年表現 金、水相關行業受惠
里昂公布一年一度的風水指數，即將踏入猴年，該行根據《西遊記》中孫悟空協助唐三藏取經的故事，認為今年靈猴亦會有利恒指表現，特別是在上半年，年中受黑猩猩干擾，指數有機會下跌，但其後仍會回升。
2016為丙申火猴年，與鐵、水有關的行業將在上半年走強，不只是金銀類股份，汽車、金融、濠賭、交通及機械股份將走俏，不過，活潑的猴子會增加末季港股的波動性，油氣、公用、科技、電訊及互聯網股份屆時會受壓。
另外，里昂認為屬牛及屬蛇的人今年運勢不錯。台灣新任總統蔡英文生於火猴年，這類人熱愛工作、旅行及金融。屬火狗的美國共和黨總統參選人特朗普，則要小心資金外流的風險，亦要小心民主黨總統參選人希拉莉，因希拉莉是火豬年出生，是猴子的好伙伴。
里昂風水指數：油股除第3季外其餘跑輸大市 梁振英運情麻麻
中信里昂證券今日公布猴年風水指數，該行銀行業分析師丘文乎表示，油股五行屬火，預計今年除第三季外，其餘時間皆跑輸大市，而根據風水命理，今年北方發展較佳，相信一帶一路對中國經濟有正面影響，而今年為火猴年，在火剋金的情況下，金價或金銀業股就看淡；而資源股屬土，預計今年會走俏。
問及屬馬的索羅斯有意沽空亞洲貨幣，他回應指，由於猴年市況會較為動盪，例如三月市況會看好，六月則慘淡，故要視乎索羅斯決定何時沽空。至於問及同樣屬馬的特首梁振英，風水指數指，生肖屬馬的人士今年將有爭執及口角，要提防同事放冷箭，及騎牆派搞分裂，故運情只屬一般。不過，他又補充，他與同事之間的合作，還需計算同事所屬的生肖，故不能一概而論。
中信里昂預測猴年市況動盪 , 肖馬索羅斯料有斬獲
距離送羊迎猴仲有唔夠兩星期，經過震過貓王嘅1月，投資者已經變晒阿愁，中信里昂踩多腳，噚日發表風水指數報告，預計市場喺火猴年會更加動盪，好似馬騮咁曳。近期人氣急升嘅國際大鱷索羅斯生肖屬馬，中信里昂料屬馬嘅人今年有收穫呀。
大市3月或反彈 吼金屬股
報告話，屬馬嘅朋友今年運勢平平，10分滿分只係得5分，要特別注意爭拗，提防有人放冷箭。最近不斷被官媒狙擊，就快86歲嘅索羅斯，雖然流年運勢冇特別，但中信里昂科技行業分析師馬卓藍就話，如果佢揀喺年中出手，今年好大機會有收穫。
今年猴年歲次「丙申」，天干屬火地支屬金，由於五行火剋金，預示今年全年市場都會喺波動中度過。中信里昂仲話，因為火猴提早出嚟搗亂，所以中港股市開局先會咁差，不過再曳嘅馬騮都要休息，估計股市喺新曆3月就會反彈見頂，但6月市場又會遇到「四面楚歌」之劫，大市睇怕要下試低位，但可能係入市好時機。
至於短線有乜好買？中信里昂銀行業分析師丘文孚就話屬金嘅行業，包括貴金屬、金融、汽車等，上半年表現都會有支持，下半年就會比較平穩。不過屬水嘅行業，好似航運及運輸等，流年運勢參差。
樓市大利正東西方
香港來年迎來火猴搗亂，引起動盪，樓市當然不能倖免。不過中信里昂就話，如果你買中正西方、正東方嘅樓，今年有望跑贏大市！
中信里昂預測，猴年正西方流年飛星係屬木嘅「四綠文曲星」，來年將會迎來風和日麗嘅好日子；正東方就有令好運倍增嘅「九紫星」，只要運勢得宜，都可以有好運喜慶。
中信里昂預測，猴年正西方流年飛星係屬木嘅「四綠文曲星」，來年將會迎來風和日麗嘅好日子；正東方就有令好運倍增嘅「九紫星」，只要運勢得宜，都可以有好運喜慶。
中信里昂指，呢兩個方位嘅住宅與寫字樓，例如港島區柴灣、堅尼地城，大嶼山、東涌及赤鱲角，運勢都會「開花」有好日子過。雖然𠵱家樓市下跌，但換個角度諗，正東或正西方嘅樓，防守性都會大一啲咁話。
李華華
李華華
睇吓好la.....
沒有留言:
張貼留言