2017年4月17日 星期一

每周收千件舊電器 復修贈基層

【本報訊】香港人平均每日棄置逾190噸舊電器,電視機最冤枉,「唔係因為壞,係因為唔夠大」;雪櫃更無辜,「覺得肉酸就換咗佢」。謝東海每周回收千件舊電器,部份復修後轉贈基層家庭,其餘轉廢為材。他是回收新丁,本是電器老手,昔日月賣萬部電視機,出口到外國,今天變成電子垃圾,「我向同事講,我嚟還嘅。因為以前賣太多,𠵱家嚟收番」。
記者:王家文
走進屯門環保園工場,上百計卡板積滿舊電器,6呎高3門雪櫃、專業吸塵機、全自動洗衣機,還有名牌音響、多功能電飯煲等,可填滿幾個籃球場。工場每周接收千件舊電器。本港每年棄置逾7萬噸舊電器,就算工場回收得多,也不及港人棄掉得快。

社工轉介 每月捐230件

謝東海是歐綠保綜合環保公司項目主管。公司去年與政府簽約,回收舊電器,透過除毒、拆解及循環再造等工序,轉廢為材如鋁、銅和膠等;部份電器經復修後轉贈有需要市民,每月捐出約230件舊電器,受助人需經社工轉介,大多是劏房戶和貧窮長者,也有單親媽媽和殘疾家庭,每次可選取4件電器。
「去做家訪先發現,有啲情況真係比想像中更差。」他去過深水埗一間劏房,住上兩母女,僅得一張床、摺枱和兩張凳,家徒四壁,但只要了風扇和電視,「我問佢點解唔要多啲,佢話夠啦」。另一個四人家庭,女兒念名校,父母為照顧癱瘓的兒子,只好辭工領綜援,「有時見到呢啲情況都唔識講,只可以同佢哋講,有乜需要,同我哋講」。
工場有塊白板寫上每月最受歡迎排行榜,首5位是電視機、雪櫃、洗衣機、風扇和電飯煲。謝東海說,約四成舊電視機能復修,但近年越收越大,最大達60吋,「通常扔電視機嘅人,唔係因為壞,係因為唔夠大」。劏房戶用不着,只夠位放20多吋;雪櫃也一樣,試過連門口也擠不進,惟有轉贈社福機構或食物銀行。電器維修師傅黎德滿醫好不少舊電器,部份只有很少毛病,如電視機壞按鈕,可能因老化影響導電,清洗積塵便可,再不就換個按鈕。
市民如有舊電器包括洗衣機、冷氣機和電腦等,可聯絡歐綠保安排免費上門回收,熱線:26768888。 

沒有留言:

張貼留言